“Tsërëkurmi Teytapa nöpanman qonqurikü, porqui përëkurmi ciëluchöpis y patsachöpis familiakuna kan” (Efesius 3:14, 15).

¿Imatataq rurashwan familiantsikwan kushishqa kawanapaq?

• Genesis 1:26-28

  Jehovämi familiakunataqa kamarqan.

• Efesius 5:1, 2

  Familiakuna kushishqa kawayänampaqqa, Jehoväwan Jesus rurayanqantam qatiyänan.

“Llapëkikunam cada ünu warmikikunata kikikikunatanö kuyayänëki; jina warminam, qowanta shonqupita patsë respetanan” (Efesius 5:33).

¿Imanötaq casädukunaqa kawakuyanman?

• Efesius 5:22-29

  Qowa kaqmi familiantaqa rikänan. Jina warmintam kuyanan, y warminnam imatapis decidinqanchö shumaq yanapanan.

• Colosensis 3:19; 1 Pëdru 3:4

  Shumaq kuyëllapam rikänakuyänan.

• 1 Pëdru 3:1, 2, 7

  Casädukunaqa ishkanmi respetanakuyänan.

• 1 Timoteu 5:8; Tïtu 2:4, 5

  Ollqu kaqmi familiantaqa manteninan. Y warmi kaqnam wayinchö kaqkunata y familianta cuidanan.

“Wamrëkikunata piñëkätsiyëtsu, sinöqa Jehovä munanqannö alli portakuyänampaq yachatsiyë y atikayë” (Efesius 6:4).

¿Ima carguyoqtaq teyta kaqkunaqa kayan?

• Deuteronomiu 6:4-9; Proverbius 22:6

  Wamrëki kapushuptikiqa tiemputam rakinëki Jehoväpita yachatsinëkipaq. Jinamampis, pishillaraq kayanqampitam Jehoväpa amïgun kayänampaq yanapanëki.

• 1 Pëdru 5:8

  Mana allikunapita y violadorkunapita tsapäkuyänampaq wamrëkikunata yachatsi.

• Jeremïas 30:11; Hebrëus 12:9-11

  Wamrëkikunata willapë, peru piñashqa këkarqa ama imëpis tsëta rurëtsu ni llutapaqa tratëtsu.

“Wamrakuna, Dios munanqannö teytëkikunata wiyakuyë” (Efesius 6:1).

¿Imanirtaq teytëkikunata wiyakunëki?

• Proverbius 23:22-25; Colosensis 3:20

  Wiyakoq karqa Jehovä Diosta y teytëkikunatam alläpa kushitsinki.

• 1 Corintius 15:33

  Jehoväta kuyaq amïgukunata ashi. Tsënömi alli kaqta ruranëkiqa mas fäcil-lla kanqa.