“Gobiernïki shamutsun. Ciëluchö y patsachö munëniki rurakätsun” (Mateu 6:9-13).

¿Imataq Diospa Gobiernun?

• Revelacion 11:15

  Ciëlupita patsëmi Diospa Gobiernunqa Patsata gobernanqa.

• 1 Timoteu 6:15

  Diospa Gobiernunchöqa Jesusmi Rey.

• Revelacion 14:1, 4

  144.000 nunakunam ciëlupita patsë Jesuswan gobernayämunqa.

• Hebrëus 4:15; 5:8

  Jesuswan 144.000 nunakunaqa, alleqmi musyayan problëmantsikkunata y imanö sientikunqantsikta.

“Alli rurëwanmi waktsakunata juzganqa” (Isaïas 11:4).

¿Imanirtaq Jesusqa Diospa Gobiernunchö mas alli kaq Rey?

• 1 Timoteu 6:16

  Kë Patsachö gobernaqkunaqa wanoqllam kayan. Peru Jesusqa manam imëpis wanunqatsu. Tsëmi noqantsikrëkur imëkata ruramunqankunaqa imëyaqpis këkanqalla.

• Isaïas 11:2-4

  Kë Patsachö gobiernukuna rurayanqampitaqa mas allikunatam Jesusqa noqantsikrëkur rurëta puëdin. Jinamampis, llapan gobiernukunapita mas puëdeqmi. Jina alläpa allim y llakipäkoqmi.

“Ciëluchö këkaq Dios[mi], mana ushakaq gobiernuta churanqa” (Daniel 2:44).

¿Imatataq Diospa Gobiernunqa ruramushqana? Y ¿Imatataq shamoq tiempuchö ruramunqa?

• Revelacion 12:7-12

  1914 watachö Rey tikrarirmi, Jesusqa Patsaman Diabluta weqaparkamurqan. Tsëmi alläpa sufrimientu kan.

• Eclesiastes 8:9; Revelacion 16:16

  Armagedon nishqan Diospa guërranchömi, nunakunapa gobiernunkunata Diosnintsik ushakätsinqa.

• Salmus 37:10

  Dios munanqannö kawëta mana munaqkunatam pëqa ushakätsinqa.

• Revelacion 22:1-3

  Kë Patsata Diosnintsik gobernamuptinqa, llapankunapis alli saloryoqllanam kayanqa, mana wanushpam kawayanqa y Diospa jutintam respetayanqa.