“Qamqa Cristum kanki” (Mateu 16:16).

¿Imanötaq musyantsik Dios änikushqan Mesïas Jesus kanqanta?

• Mateu 3:16, 17; Juan 1:32-34

  Jehoväqa, Jesus tsurin kanqantam nirqan.

• Miquëas 5:2; Mateu 2:1, 3-9

  Jesus Mesïas kanqantam Diospa musyatsikïninkunaqa rikätsikurqan.

“Noqaqa ciëlupita urämurqö” (Juan 6:38).

Manaraq Patsaman shamurqa, ¿imatataq Jesusqa ciëluchö rurarqan?

• Colosensis 1:15, 16

  Jehoväqa puntata kamarqan Jesustam, y llapan kamanqanchömi Jesusqa yanaparqan. Jesusqa millonyëpayan watakunapam Teytampita imëkata yachakurqan.

• Lücas 1:30-35

  Jehoväqa tsurin Jesustam Patsaman kachamurqan.

“Wamrakuna noqaman shayämunanta jaqiyë” (Marcus 10:14).

¿Jesuspa imanö kënintaq gustashunki?

• Marcus 10:13-16

  Jesusqa kuyakoqmi karqan, tsëmi nunakunaqa pëwan parlëta munayaq.

• Juan 4:9, 27

  Alläpa respëtuwanmi Jesusqa warmikunata rikaq.

• Juan 13:2-5, 12-17

  Jesusqa humildim karqan.

• Mateu 9:35, 36; Marcus 1:40-42

  Jesusqa wakinkunatam yanapëta munaq.

“Noqaqa ruranäpaq nimanqëkitam rurëta usharqö” (Juan 17:4).

¿Imanötaq Jehovällata sirwinapaq Jesus ruranqan yanapamantsik?

• Mateu 4:1-11

  Diablu tentëkaptimpis Jehovällata sirwinampaqmi, Jesusqa decidïdu këkarqan.

• Marcus 3:21

  Kikimpa kastankuna pëpita burlakïkäyaptimpis, Jesusqa Diostam cäsukurqan.

• 1 Pëdru 2:21-23

  Jesusqa manam chikeqninkunata tikrapurqantsu.

• Filipensis 2:8

  Jesusqa wanunqanyaqmi wiyakoq karqan.

• Hebrëus 10:12, 13; 1 Pëdru 3:18

  Jehoväqa Tsurintam espïritu cuerpuyoqta kawaritsirqan.