“Nunapa Tsurimpis [...] shamushqa, [...] kawëninwan chaninta pagakur mëtsikaqta libranampaqmi” (Mateu 20:28).

¿Imanirtaq Jesus wanunan precisarqan?

• Genesis 3:17-19

  Mana cäsukunqanrëkurmi Adanqa Jehoväpa amïgun këta jaqirqan, jutsasapa këman chärirqan y Eden huertapita qarqushqa karqan.

• Romänus 5:12

  Adanpa culpanrëkurmi, noqantsikpis jutsasapa kantsik y wanuntsik.

• Efesius 1:7

  Jutsapita y wanïpita nunakunata salvananrëkurmi, Jehoväqa jaqirqan Jesus wanunanta.

“Japallanlla Tsurinta nunakunaman Dios kachamushqa kanqanchö, tsënöpa përëkur noqantsik imëyaqpis kawëta tarinapaq” (1 Juan 4:9).

¿Imatataq Jehovä rurarqan rescätipa chaninta pagakunampaq?

• Salmus 49:7, 8

  Adan jutsannaq kawëta oqranqanta yapë tarinapaqqa, manam jutsasapa nunapa kawëninllatatsu wanakarqan.

• Lücas 1:35

  Kuyë Tsurintam kë Patsaman kachamurqan jutsannaq yurinampaq.

• Romänus 3:23, 24; Hebrëus 9:24

  Kawariramurmi, ciëluta kutirir Jesusqa jutsannaq kawënimpa valorninta Teytanman presentarqan.

“Y nawinkunapitam llapan weqita pitsanqa, y wanïqa mananam masqa kanqanatsu” (Revelacion 21:4).

¿Imanötaq tsë rescätiqa qamta yanapashunkiman?

• 1 Juan 1:8, 9

  Perdonashqa këtam puëdintsik.

• Hebrëus 9:13, 14

  Diospa nöpanchömi, limpiu concienciayoq këta puëdintsik.

• Romänus 6:23

  Mana wanushpa kawëtam puëdintsik.

• Gälatas 2:20

  Jehovä Dioswan tsurin Jesucristu alläpa kuyamanqantsiktam rescätiqa rikätsimantsik.

“Diosqa japallan Tsurinta pëkunarëkur qorqan, tsënöpa pëman markäkuyanqanta rikätsikoqkuna [...] imëyaqpis kawëyoq kayänampaq” (Juan 3:16).

¿Imanötaq rescätipita agradecïdu kanqantsikta rikätsikuntsik?

• Juan 17:3

  Jehoväta y Jesustam alleq reqinëki, y rurayanqankunatam qatinëki.

• Lücas 22:19

  Jesus Wanunqanta Yarpëmanmi cada wata ëwanëki.

• Juan 3:36; Santiägu 2:26

  Jesusman creinqëkillataqa ama nitsu. Yachatsikunqanmannö kawë.