“Pëqa puntallapitanam willakun ushanan kaqta y unë witsankunapitam willakun manaraq rurakashqa kaqkunata” (Isaïas 46:10).

¿Imatataq musyantsik ushakë junaqpita?

• Daniel 7:13, 14

  1914 watachömi Jesusqa ciëluchö gobernar qallarqan.

• Mateu 24:3-14

  Alläpa sasa tiempukuna kanampaq kaqtam Jesusqa willakurqan.

• Revelacion 12:7-9, 12

  Gobernar qallanqampita ichik tiempu pasariptinllam, Jesusqa Diabluta Patsaman weqaparkamurqan. Diabluqa alläpa piñashqam këkan “wallka tiempullana karinanta musyar”. Tsë tiempu pasariptinqa mananam mana allikunata rurananta Dios permitinqanatsu.

“¿Ima señaltaq rikätsikunqa [...], imëkapis imanö këkanqampa ushëninna kanqanta?” (Mateu 24:3).

¿Rikarqunkiku Bibliapa mëqan willakïninllapis cumplikaqta?

• Mateu 24:7; Lücas 21:11

  Kanan witsanqa guërrakuna, mallaqë, Patsa kuyïkuna y mana reqinqantsik qeshyakunam mirakïkan.

• 2 Timoteu 3:1-5

  Apostol Pabluqa willakushqanam karqan, ushanan junaqkunachö nunakuna imanö portakuyänampaq kaqta.

• Daniel 12:4

  Sirweqninkunatam Diosqa yanapëkan Bibliata mas alli entiendiyänampaq.

• Mateu 24:14

  Diospa Gobiernumpita alli willakïtaqa entëru Patsachömi yachatsikïkäyan.

‘Jehoväpa junaqninqa imëka ampipa suwa shamoqnömi shamunqa’ (1 Tesalonicensis 5:2).

Ushakë junaq këllachöna këkaptinqa, ¿imataraq qamqa ruranki?

• Juan 17:3

  Shonqupita patsë Bibliapita yachakï.

• Hebrëus 10:24, 25

  Mas yachakunëkipaqmi Jehoväpa testïgunkunapa reunionninkunaman ëwanëki.

• Santiägu 4:8

  Dios munanqannönam kawanëki amïgun kanëkipaq.

• Lücas 21:34-36

  Jehovätam adoranëki. Y tsëmi kawënikichöqa mas precisaq kanan.