“Wanïmi, chipyëpa ushakätsishqa kanqa” (1 Corintius 15:26).

¿Imanötaq Bibliaqa shoqamantsik pillapis wanuriptin?

• 2 Corintius 1:3, 4

  Kastantsik o amïguntsik wanuriptinqa alläpam llakikuntsik. Peru Bibliaqa shoqamantsikmi.

• Isaïas 25:8; 26:19

  Wanïta chipyëpa ushakätsinampaq, y wanushqakunata kawaritsimunampaqmi Jehoväpaqa podernin kan.

“Shipash, noqam neq: ‘¡Sharkï!’” (Marcus 5:41).

¿Imanirtaq kawarimï kanampaq kaqman markäkushwan?

• Juan 11:1-44

  Jesusqa Läzarutam kawaritsirqan.

• Marcus 5:22-24, 35-42

  Jesusmi juk shipashta kawaritsirqan.

• Juan 11:41, 42

  Jehovämi Jesusta podernin qorqan wanushqakunata kawaritsimunampaq.

• Juan 12:9-11

  Mëtsikaq nunakuna rikëkäyaptinmi Jesusqa wakin nunakunata kawaritsirqan. Wanushqakunata kawaritsimïta puëdinqantam chikeqninkunapis musyayarqan.

“Qammi qayaramanki, y noqam contestashqëki. Makikiwan ruranqëkitaqa manam qonqankitsu” (Job 14:13-15).

¿Pikunataq kawariyämunqa?

• Juan 5:28, 29

  Diospa yarpëninchö këkaq llapan wanushqakunam kawariyämunqa.

• Hëchus 24:15

  Alli kaqta ruraqkuna y mana allita ruraqkunam kawariyämunqa.

• Isaïas 40:26

  Jehoväqa llapan qoyllurkunapa jutintam yarpan. Tsëmi llapan wanushqa kastantsikkuna imanö kayanqantapis yarpëta puëdin.

“Noqaqa qamkunapaq juk sitiuta alistaqmi nänipa ëwëkä” (Juan 14:2).

¿Pikunataq ciëluchö kawayänampaq kawariyämunqa?

• 1 Pëdru 3:18

  Puntataqa, Jesusmi ciëluchö kawanampaq kawarimurqan.

• Lücas 12:32

  Ciëluchö kawayänampaqqa, wallkaqlla kawariyämunampaq kaqtam Jesusqa nirqan.

• Revelacion 14:1

  144.000 nunakunatam Jehoväqa akrashqa ciëluchö kawayänampaq.