1. Huk Librom yachatsimantsik kushishqa,

Yamë y shumaq kawakunapaq.

Yachatsikïnin “wiskutam” rikätsin,

“Wanushqakunatam” kawënin qon.

Kë shumaqllan Libroqa, Santa Bibliam.

Jehová ninqanllatam qellqayarqan.

Diosta kuyaq nunakunam kayarqan.

Santo espïritun yanaparqan.

2. Jehová kamanqampitam qellqayarqan;

Kallpanwan llapan ruranqampita.

Hina hutsannaq nuna kawanqanta,

Shumaq Patsata oqranqantapis.

Jehová Diospa chikeqninman tikrareq

Angelpaqpis willakuyarqanmi.

Hutsaman nunata ishkitsinqanta.

Pero Diosqa altsaramunqanam.

 3. Kananqa kushishqam kawakïkantsik.

Diospa Mandakïnin qallashqanam.

Kananmi salvacionta ashinantsik

Diosnintsik munanqannö kawarnin.

Libronllachömi tsëta yachakuntsik.

Kawëman apakoq willakïmi.

Yamë kawanapaqmi awnimantsik;

Tsërëkurmi munantsik leïta.