DIOS MUNANQANNÖ KAWANAPAQ
Juk mushoq yanapakï yachatsikunapaq
2016 wata Täpakoq nümeru 2 revistapita patsëmi, ushanan kaq päginachö “¿Imatataq Biblia yachatsikun?” neq yachatsikï yarqëkämun. Bibliapita parlapar qallanapaqmi kë yachatsikïtaqa rurayämushqa. Tratädukunapa yachatsikïninkuna niraqllam: Parlakaramunampaq tapukïyoqmi, Bibliapa textunwanmi contestan y mas yachatsikïkunam kan.
Pillawampis Bibliapita shumaq parlakurinqantsikqa juk estudiu biblicuta qallanapaqmi yanapamantsik. Diospita yachakïta munaqkunata yanapanëkipaq kë yachatsikïta utilicë (Mt 5:6).
IMANÖ YACHATSIKUNAPAQ:
-
Mëqan tapukïllapitapis parlakaramunampaq niri.
-
Wiyari y parlakaramunqampita felicitäri.
-
“Biblia yachatsikunqan” neqpa jawanchö këkaq textuta leyiri y tapuri tsë textupita imata pensanqanta. Tiempun kaptinqa, “¿Ima mastataq Biblia yachatsikun?” neq tapukïpita parlapäri.
-
Revistata munatsi.
-
Juknin kaq tapukïpita imë junaq parlakuriyänëkipaq kaqta patsätsi.