Wakinkunapis qateqninman tikrayänampaqmi Jesusqa yachatsikuyänampaq qateqninkunata mandarqan (Mt 28:19). Mandakunqanta cäsukunapaqqa, yachatsikunantsikmi. Tsëmi imëpis kënö tapukunantsik: “¿Imanötaq Jesuspa qateqnin tikrayänampaq nunakunata mas yachatsiman?”.

Manam noqantsikman nunakuna shayämunantaraqqa shuyaränantsiktsu, tsëpa rantinqa kikintsikmi yachakïta munaqkunata asheq ëwanantsik (Mt 10:11). Yachatsikunqantsik hörakunaqa llapan tinkunqantsikkunata y “tsëchö imarëkurpis këkaqkunata” yachatsinapaqmi provechanantsik (Hch 17:17). Apostol Pablu empëñu empëñu yachatsikunqanrëkurmi Lidia jutiyoq warmipis Jesuspa qateqninman tikrarqan (Hch 16:13-15).

ALLI WILLAKÏKUNATA “MANA JAQISHPA” WILLAKUR SÏGUISHUN: MË TSËCHÖ KËKARNIN YACHATSIKÏ Y WAYIN WAYIN YACHATSIKÏ NEQ VIDËUTA RIKÄRIR, KË TAPUKÏKUNATA CONTESTARIYË:

• ¿Imanötaq Samuelqa muruta muroq cuenta imëpis yachatsikïta tïrarqan?

• ¿Imanirtaq tukïnöpa yachatsikïta tïrashwan?

• ¿Pikunatataq mëchö tsëchö këkarpis Diospita parlapashwan?

Jesuspa qateqnin tikrayänampaqqa, manam publicacionkunallataqa qarakunantsiktsu. Sinöqa Diospita mas yachakïta munayänampaqmi watukaq kutinantsik y Bibliapitam yachatsinantsik (1Co 3:6-9). Peru ¿imëkanöpa yachëkätsishqapis shonqunman mana chaptinqa? (Mt 13:19-22). Tsëqa rasumpa yachakïta munaq nunakunatam ashir sïguinantsik (Mt 13:23; Hch 13:48).

ALLI WILLAKÏKUNATA “MANA JAQISHPA” WILLAKUR SÏGUISHUN: NUNAKUNA MAS PURIYANQAN SITIUCHÖ YACHATSIKÏ Y JESUSPA QATEQNINKUNA TIKRAYÄNAMPAQ YACHATSIKÏ NEQ VIDËUTA RIKÄRIR, KË TAPUKÏKUNATA CONTESTARIYË:

• ¿Imanötaq Ezequielpa y Abigailpa shonqunman rasumpa kaqta muruyanqanta parqoq cuenta Solomonwan Mary yachatsir sïguiyarqan?

• ¿Imarëkurtaq tukïnöpa yachatsikïta tïrashwan, puriräyänan sitiuman churakëkurpis?

• Diospita yachatsikï mas precisanqanta rikätsikunapaqqa, ¿imata ruranantsiktaq höraqa precisanqa?