Kë watapita witsëpaqa, Jesus Wanunqanta Yarpë reunionpaq alistakunapaqqa masmi tiempuntsik kanqa. Porqui Jesus Wanunqanta Yarpanqantsikwan Cristiänunö Kawakunapaq y Yachatsikunapaq reunion tinkupuraptinqa, manam tsë reunion rurakanqatsu. Y semäna ushë kaptinqa, manam discursu y Täpakoqpita yachakunapaq ëllukäshuntsu. Punta cristiänukuna rurayanqannöllam, kanampis tsë precisaq reunionpaq alli alistakunantsik (Lü 22:7-13; km 3/15 päg. 1). Peru ¿imata rurartaq shonquntsikta alli alistashwan?

• Tsë reunionman ëwë precisanqanman yarpachakurmi (1Co 11:23-26).

• Jehoväman mañakur y pëwan amïgu kënintsik imanö këkanqanta rikarmi (1Co 11:27-29; 2Co 13:5).

• Jesus wanunqan imanö yanapamanqantsik yachatsikïkunata leyir y yarpachakurmi (Jn 3:16; 15:13).

Wakinkunaqa Llapan junaqkuna Bibliapita yachakunapaq follëtuchö këkaq textukunatam leyiyan y tsëmanmi yarpachakuyan. Wakinqa recuadruchö këkaq textukunatam leyiyan. Y wakinnam, Täpakoq revistachö Jehoväwan Jesus kuyamanqantsikpita y Jesus Wanunqanta Yarpëpaq yachatsikïkunata yapë leyiyan. Tsëkunaqa, Jehovätawan Tsurinta mas kuyanëkipaqmi yanapashunki.