Jehoväpa bendicionninta chaskinampaqmi, Jacobqa angelwan maqanakoqnöraq patsa waranqanyaq tsaränakurqan (Ge 32:24-31; Os 12:3, 4). Y noqantsikqa, ¿Jehovä Diosnintsik nimanqantsikta wiyakuykantsikku bendicionninta chaskinapaq? ¿Imataraq rurashun reunionnintsik junaqraq, patronnintsik mas trabajanapaq nimashqa? Jehovä Diosnintsikta llapan tiempuntsikwan, kallpantsikwan y kapamanqantsikkunawan sirwirninqa atska bendicionkunatam chaskishun (Mal 3:10). Jehovä nimanqantsikta rurashqaqa, pëmi cuidamäshun, imata ruranantsikpa kaqta yachatsimäshun y manam imantsikpis pishinqatsu (Mt 6:33; Heb 13:5).

AMA JUK LÄDUMAN CHURARITSU JEHOVÄTA MASLLA SIRWITA MUNANQËKITA NEQ VIDEUTA RIKÄRIR, KËTA CONTESTË:

• ¿Imatataq kë paniqa puntaman churar qallëkurqan?

• ¿Imanirtaq hörataqa trabäjuntsik Jehoväta mas sirwinapaq yanapamashwantsu?

• Timoteu unëpana Diosta sirwikaptimpis, ¿imanirtaq Pabluqa nirqan Diosta sirwinampaq mas kallpachakunampaq? (1Ti 4:16).

• ¿Imatataq mas puntaman churashwan?