IMANIRTAQ TSËNÖ YACHATSIKUSHWAN. Ciëlupaq akrashqakuna y patsachö kawaqpaq kaqkunapis, “kawëta qokoq yakuta” debaldilla upuyänampaqmi nunakunata niyan (Rev 22:17). Tsë yakuqa rikätsikun, jutsapita y wanïpita libramänapaq Jehovä Dios ruranqankunatam. Wakin nunakunaqa Diosman creirpis manam Dios munanqannötsu kawayan y iglesiankunachö mana rasumpa kaqta yachatsiyashqa kayaptinmi, yachatsinqantsik höra wiyëta munayanqanmannö parlapänantsik (Rev 14:6).

¿IMANÖTAQ RURASHWAN?

• Yachatsikunqëki markächö, nunakuna imata yachakïta munayanqanmanmi pensanëki y shumaq yanaparinëkipaqmi juk textuta alli akranëki. “Imanö yachatsikunapaq” neqta o yachatsikunqëkichö alli yanapakunqanta utilicë. ¿Ima yachatsikïtataq shumaq wiyakuyan? ¿Imakuna pasanqampitataq nunakuna parlayan? ¿Imapitataq ollqukunaqa wiyëta munayan? Y warmikunaqa, ¿imatataq wiyëta munayan?

• Yachatsikunqëki markachö parlapanqëki nuna imata creinqanta y imakuna ruranqanta entiendinëkipaq kallpachakï (2Co 6:3, 4).

• Yachatsikunantsikpaq publicacionkunata y videukunatam utilicëta alli yachakunëki, tsëmi yanapashunki nunakuna munanqanmannö parlapänëkipaq.

• Yachatsikunqëki markächö parlayanqan o entiendiyanqan videukunatam listu katsinantsik.

• Wiyëta munayanqanmannö nunakunata yachatsi (1Co 9:19-23). Këman pensë, parlapanqëki nuna wanupakushqa kaptinqa ¿imapitaraq yacharatsinkiman?

VIDEUTA RIKÄRIR, KË TAPUKÏKUNATA CONTESTARIYË:

• ¿Imapitataq kë wawqiqa parlapar qallarqan?

• ¿Imapaqtaq tsë nunaqa yarpachakurqan?

• ¿Bibliapa mëqan yachatsikïnintaq yanapanman karqan, y imanir?

• Nunakuna wiyakïta munayänampaqqa, ¿imanötaq yachatsikunki?