¿IMANIRTAQ PRECISAN? Imëyaqpis kawakïta chaskiyänampaq kallpachakïkaq nunapa shonqunchö rasumpa kaqtaqa, Jehovämi winatsin (Hch 13:48; 1Co 3:7). Y noqantsikqa yanapakuntsik, tsë nunakunata yachakuyanqanmannö kawayänampaq imëkanöpa yanaparninmi (1Co 9:26). Wiyakïta munaq nunakunaqa, alleqmi musyayänan salvakïta munarqa bautizakuyänan alläpa precisanqanta (1Pë 3:21). Bibliapita yachëkätsinqantsik nunakunataqa kawëninkunachö cambiukunata rurayänampaq, Diospita wakinkunata yachatsiyänampaq y Jehovällata sirwita decidiyänampaqmi yanapanantsik. Tsënöpam pëkunapis Diospa sirweqnin tikrayanqa (Mt 28:19, 20).

¿IMANÖTAQ RURASHWAN?

• Jehoväta mas reqinapaq y kushitsinapaq Bibliapita yachakunqantsiktam, yachëkätsinqantsik nunataqa imëpis yarpätsinantsik (Jn 17:3).

• Diospa sirweqnin tikranampaqqa, imëkachö alli tsarakunampaqmi yanapanantsik. Itsa tsëpaqqa, mana alli rurëninkunata y mana alli amïgunkunata jaqiyänan.

• Manaraq bautizakuptin o bautizakushqana kaptimpis, kallpata qorninmi yanapanantsik (Hch 14:22).

JEHOVÄ DIOSMI YANAPASHUNKI NEQ VIDEUTA RIKÄRIR, KË TAPUKÏKUNATA CONTESTARIYË:

• ¿Imakunata mantsarnintaq juk nunaqa Jehovällata sirwinampaq änikïta y bautizakïta munantsu?

• ¿Imanötaq anciänukuna Bibliata estudiëkaqkunata yanapayanman Diosta sirwita decidiyänampaq?

• ¿Imatataq Jehoväpita yachatsimantsik Isaïas 41:10 textuqa?

• Jutsasapa këkashqapis, ¿imataq yanapamäshun Jehoväta sirwita decidinapaq?