Mateu librupa 8 y 9 kaq capïtulunkunaqa, Galilëa markachö Jesus yachatsikunqampita wakinllatam willakun. Nunakunata kachakätsirninmi, Jesusqa alläpa kuyakoq y ankupäkoq kanqanta rikätsikurqan y puëdeq kanqantapis.
-
Lepra qeshyayoq nunatam Jesusqa kachakätsirqan (Mt 8:1-3).
-
Tröpakuna mandaq nunapa sirweqnintam Jesusqa kachakätsirqan (Mt 8:5-13).
Pëdrupa suegrantam kachakätsirqan (Mt 8:14, 15).
Mana alli espïritukunatam qarqurqan, y llapan sufrikaqkunatam kachakätsirqan (Mt 8:16, 17).
-
Alläpa mantsëpaq supëkunatam Jesusqa qarqurqan y mëtsika kuchikunamanmi mandarqan (Mt 8:28-32).
-
Kuyukïta mana puëdeq nunatam Jesusqa kachakätsirqan (Mt 9:1-8).
Röpanta yatëkoq warmitam kachakätsirqan y Jairupa warmi wamrantam kawaritsirqan (Mt 9:18-26).
Wiskukunata y müdukunatam kachakätsirqan (Mt 9:27-34).
-
Markakunapa y caserïukunapa ëwarmi, Jesusqa nanatsikïyoqkunata y qeshyayoqkunata kachakätsirqan (Mt 9:35, 36).
¿Imanötaq wakinkunata kuyanqäta y ankupanqäta rikätsiküman?
