Jehoväqa casädukuna juntu y shumaq kawakuyänantam munan (Mt 19:5, 6). Mëtsikaq Jehoväpa sirweqninkunaqa casädu vïdankunachö kushishqam kawakuyan. Tsënö kaptimpis, jutsa ruraq kayaptinmi problëmakunaqa karëkanlla. Y majëkiwan rakikäriptikipis problëmakunaqa manam ushakanqatsu. Tsëqa casakushqakunaqa, ¿imatatan rurayanman alli kawakuyänampaq?

Këkunatam cuentachö katsiyänan.

1. Casädu këkarqa ama jukkunata enamorëpa parlapëtsu. Y mana allikunataqa televisionchö kar o imachö karpis ama rikarëtsu. Këkunaqa casädu vïdëkichö shumaq kawakunëkipaq manam yanapashunkitsu (Mt 5:28; 2Pë 2:14).

2. Jehovä Dioswan mas amïgu kanëkipaq Bibliëkita leyi y Jehovä munanqannö majëkiwan kawakuy (Sl 97:10).

3. Unë imanö kawanqëkita cambië y majëkita kuyëllapa tratë (Col 3:8-10, 12-14).

4. Majëkiwan imëpis parlakuy y respëtuwan tratë (Col 4:6).

5. Oqllanakurpis shumaq kuyarnin majëkita tratë (1Co 7:3, 4; 10:24).

Casädu vïdankunata respetaqkunaqa Jehovä ninqankunatam cäsukuykäyan.

MANA UTISHPAM ËQINANTSIK: REGLAMENTUKUNA NINQANNÖ ËQISHUN NEQ VIDEUTA RIKÄRIR, KË TAPUKUYKUNATA CONTESTË:

• Casakurirlla kushishqa kayaptimpis tiempuwanqa, ¿ima problëmakunataq kanman?

• Casädu vïdankunachö mana alli kawakoqkunataqa, ¿imanötan Biblia yanapan?

• Casakushqakuna, ¿imata rurayänampaqtan Jehoväqa nin?

• Kushishqa y alli kawakuyänampaqqa, ¿imatatan warmipis y ollqupis rurayänan?