Kanan tiempuqa imëka mana allikunapam pasantsik. Capaz tsë höraqa mana aguantanapaq kaqta pensashwan. Peru Jehovä yanapamashqallam imëka mana allikunapa pasarpis aguantëta puëdishun (Is 43:2, 4). Mana allikunapa pasanqëki höraqa, ¿imatan yanapashunki Jehoväwan mas alli amïgu kanëkipaq?

Diosman mañakunqëki. Llapan llakitsimanqantsikkunata Jehoväta willashqaqa, yamë y alli tsarakunapaqmi yanapamäshun (Flp 4:6, 7; 1Te 5:17).

Reunionkunaman ëwanqëki. Kananmi imëpitapis mas Teytantsik Jehoväpita yachakuyta y reunionkunachö wawqi panintsikkunapita änimuta chaskita necesitantsik (Heb 10:24, 25). Reunionkunaman mana faltëpa ëwar y tsëchö yachatsikamoq wawqikuna tapukayämuptin parlakunapaq alli preparakurqa Jehoväpa santu espïrituntam chaskishun (Ap 2:29).

Diospita yachatsikunqëki. Llapan puëdinqantsikmannö Diospita yachatsikurqa, imëpis kushishqallam këkäshun. Diospita yachatsikurqa wawqi panintsikkunawan y Jehoväwanmi mas alli amïgu kashun (1Co 3:5-10).

JEHOVÄMI CUIDASHUNKI NEQ VIDEUTA RIKÄRIR, KË TAPUKUYKUNATA CONTESTË:

• ¿Imatan pani Maluta yanaparqan Jehoväwan amïgu kar sïguinampaq?

  Your answer

• ¿Imanötan pani Malutanöpis Salmus 34:18 ninqan yanapamantsik?

  Your answer

• ¿Imanötan pani Malutanöpis Jehoväqa yanapamantsik ‘nunakuna mana katsiyanqan poderwan’? (2Co 4:7).

  Your answer