19-25 de febrëru
SALMUS 8-10
2 kaq cancionta cantarirmi mañakushun | Imakunata yachakunapaq kaq (1 min.)
1. “Alabashqëki[m] Teyta Jehovä”
(10 min.)
Jehoväqa alläpa allim noqantsikwan (Sl 8:3-6; w21.08 päg. 3 pärr. 6).
Jehovätaqa alabantsik llapan ruranqankunata jukkunata kushishqa willarninmi (Sl 9:1; w20.05 päg. 23 pärr. 10).
Kushishqa cantarninmi Jehovätaqa llapan shonquntsikwan alabantsik (Sl 9:2; w22.04 päg. 7 pärr. 13).
KËMAN PENSË: ¿Imanö mastan Jehoväta alabankiman?
2. Imakunata yachakunqantsik
(10 min.)
-
Sl 8:3; nöta. Salmus libruta qellqaq, ‘Teyta Diospa dëdun’ nirqa, ¿ima nitataq munëkarqan? (it-1-S päg. 649).
-
Kë semäna Bibliata leyir, ¿yachakurqunkiku Jehovä imanö kanqanta, imanö yachatsikunëkipaq kaqta o imatapis masta?
3. Bibliata leyi
(4 min.) Sl 10:1-18 (th 11 kaq yachatsikï).
4. Parlapar qallanëkipaq
(3 min.) WAYIN WAYIN YACHATSIKUR. Parlapanqëki nuna “Diosman manam creïtsu” nishuptiki (lmd 5 kaq yachakunapaq kaqchö 4 kaq).
5. Watukaq kutinëkipaq
(4 min.) MËCHÖ KËKARPIS YACHATSIKUR. Pasaqchö parlapanqëki nuna, “Diosman manam creïtsu” nishqa karpis, juk Kamakoq kanqanta rikätsikoq pruëbakunapita yachakuyta munan (th 7 kaq yachatsikï).
6. Juk wawqim këta yachatsikamunqa
(5 min.) ¿Imanötan Bibliata yachakuykaqkunata Jehoväta alabayänampaq yanapashwan? (w21.06 pägk. 6, 7 pärrk. 15-18; th 10 kaq yachatsikï).
10 kaq canciontam cantashun
7. Mëchö këkarpis, ¿imanötan parlakunqantsiknölla Diospita yachatsikushwan?
(10 min.) Wiyaqkunapis parlakarayämunqam.
Juknöpaqa Jehoväta alabantsik cada junaq mëchö këkarpis tinkunqantsik nunakunata pëpita parlaparninmi (Sl 35:28). Capaz qallananllachöqa mëchö këkarpis Diospita yachatsikuyta mantsakushun. Peru tiempuwanqa parlakunqantsiknölla pitapis parlaparqa mas fäcilmi piwampis Diospita parlakurishun, y kushishqam yachatsikushumpis.
‘Yamë kawakuypita alli noticiakunata willakunapaq’ listu këkäshun: Parlapar qallashun neq VIDEUTA rikärir, këta tapuy:
¿Imanötan kë videu yanapayäshunki mëchö këkarpis Diospita mas alli yachatsikuyänëkipaq?
Këkunam yanapashunki yachatsikur qallanëkipaq:
-
Cada junaq wayikipita yarqurqa listum këkänëki piwampis Diospita parlakur qallanëkipaq. Jehoväman mañakuy alli shonquyoq nunakunata tarinëkipaq.
-
Cada parlapanqëki nunakunapaq yarpachakuy y yachanëpaq kë. Imata katsinqanta y imanö këkanqantam rikänëki, tsëmi yanapashunki Bibliapita imata yachatsinëkipaq kaqta.
-
Puëdikaptinqa celularnikipa nümerunta makyë y celularnimpa nümerunta mañë.
-
Diospita manaraq parlapaptiki nuna ëwakuptinqa ama llakikuytsu.
-
Diospita parlapanqëki nunata o warmita ama qonqëtsu. Pëkunapaq yarpachakunqëkita musyayänampaq juk textuta o jw.org Internet päginantsikman yëkuyänampaq juk enläcita mandari.
Këta rurë: Semäna ushëchö imata ruranqëkita pillapis tapushuptikiqa, reunionchö imata yachakunqëkita o Teyta Diospita nunakunata yachatsinqëkita willari.
8. Ruranantsikpaq pishinqankuna
(5 min.)
9. Bibliapita yachakunapaq libru
(30 min.) bt “6 kaq yachakunapaq” pärrk. 1-8 y “6-8 kaq” neqpita.
