Llapan kamashqankunam rikätsikun Diosnintsikqa kuyakoq kanqanta (Sl 19:1-4; 139:14). Tsënö kaptimpis, Satanaspa makinchö këkaq nunakunaqa, kawë imanö qallanqampaqmi mana alli yachatsikïkunata jorqayämushqa. Tsëqa Diosta mana respetayanqantam rikätsikun (Ro 1:18-25). ¿Imataraq rurankiman wamrëkikuna tsënö pensar mana qallëkuyänampaq? Jehovä rasumpa kanqanman y kuyanqanman alli markäkuyänampaqmi, pishi kayanqampita yachatsinëki (2Co 10:4, 5; Ef 6:16). Escuëlachö yachatsiyanqampita imata pensanqanta musyëta tïrë, y Jehovä qomanqantsik yanapakïkunata utilicë wamrëkikunapa shonqunman chänëkipaq (Pr 20:5; Snt 1:19).

WAKIN JÖVINKUNA NIYANQAN: DIOSMAN CREIPITA NEQ VIDËUTA RIKÄRIR, KË TAPUKÏKUNAPITA YACHAKURIYË:

• ¿Imatataq mëtsikaq nunakuna Diosman creipita niyan?

• ¿Imatataq escuëlëkichö yachatsikuyan?

• ¿Imanirtaq Jehovä rasumpa kanqanta creinki?

• ¿Imanötaq wakinkunata yanapankiman Jehovä llapanta kamashqanta creiyänampaq?