DIOS MUNANQANNÖ KAWANAPAQ
“Teytëkitawan mamänikita precisaqpaq churar respetë”
Kë Patsallachöraq këkarmi Jesusqa kënö nirqan: “Teytëkitawan mamänikita precisaqpaq churar respetë” (Ex 20:12; Mt 15:4). Jövin këkarnin teytankunata cäsukushqa karninmi, Jesusqa tsënö nirqan (Lü 2:51). Y poqushqa nunaman tikrarirpis, manaraq wanukurninmi mamänin mana faltapakunampaq imëkata patsätsirqan (Jn 19:26, 27).
Cäsukurnin y respëtuwan parlaparninmi, kanampis mëtsikaq cristiänu jövinkuna teytankunata precisaqpaq churayan y respetayan. Teytantsikkunata cäsukunapaq y respetanapaq Jesus mandakunqanqa manam juk rätullapaqtsu. Edäna kayaptimpis, consëjunkunata cäsukurninmi respetëkanqantsikta rikätsikunantsik (Pr 23:22). Jinamampis faltapakuyaptin qellënintsikwan yanaparnin y imanö sientikuyanqanta willamashqa shumaq wiyarninmi, respetanqantsikta rikätsikuntsik (1Ti 5:8). Jövin o poqu nunana karpis, teytantsikkunawan seguïdu parlarninmi, pëkunata respetëkantsik.
YACHATSIKOQ DIBÜJUKUNA ¿IMANÖTAQ IMATAPIS TEYTËKIKUNAWAN PARLANKIMAN? NEQ VIDEUTA RIKÄRIR, KË TAPUKÏKUNATA CONTESTARIYË:
-
¿Imanirtaq höraqa fäciltsu kanman teytëkikunawan parlëqa?
-
¿Imanötaq teytëkikunata respetanqëkita rikätsikunkiman parlanqëki höra?
-
¿Imanirtaq teytëkikunawan parlëta procuranqëkiqa allipaq kanman? (Pr 15:22).