Trïgupaq y mana alli qorapaq parlarninmi Jesusqa rikätsikurqan trïguta o juk parlakïchöqa ciëlupaq akrashqakunata, imë y imanö akranampaq y juntanampaq kaqta.
‘Alli muruta chakranman muroq nuna’.
-
Muroq nuna: Jesucristu
-
Alli kaq muruta muruyan: Jesuspa qateqninkunatam santu espïrituwan akrayan
-
Chakra: Llapan nunakuna
“Nunakuna punuyanqanyaqmi pëpa chikeqnin shamïkur, trïgu jananman mana alli qorata maqtsïkur ëwakurqan”.
-
Chikeqnin: Diablu
-
Punukashqa nunakuna: Apostolkuna wanuyanqan
“Jaqiriyë cosëcha witsanyaq ishkan winayänanta”.
-
Trïgu: Ciëlupaq akrashqakuna
-
Mana alli qora: Mana alli cristiänukuna
“Mana alli qorataraq puntata ëlluyë [...], y tsëpitaraq gränukunata churakuna wayïman trïguta ëlluyë”.
-
Sirwipakoqkuna o cosechaqkuna: Angelkuna
-
Mana alli qorata ëlluyan: Ciëlupaq akrashqa cristiänukunatam, mana alli cristiänukunapita rakiyan
-
Churakuna wayïman trïguta ëlluyan: Limpiashqa congregacionman ciëlupaq akrashqa cristiänukunata ëlluyan
¿Imataq mana alli kaq cristiänukunapita alli kaq cristiänukuna jukläya kayanqanta cosëcha witsan rikätsikurqan?
¿Imanötaq kë igualatsikïta entiendinqäqa yanapaman?
