5:8, 18, 21

Jehoväpa jutin alläpa respëtuwan rikashqa kanampaq y pëlla autoridäyoq kanqan rikakänampaqqa, Jesus wanunanmi alläpa precisarqan; y tsëqa juk shumaq qarëmi. Jina tsë qarëqa, alli ruraq nunatanö Jehovä rikämänapaqmi yanapamantsik, y cäsukoq kaqkunaqa shamoq tiempuchö mana wanushpa kawëtam tariyanqa.

¿Imata rurartaq Jesus wanunqampita agradecïdu kanqantsikta rikätsikuntsik?

• Diosllata sirwinapaq änikurnin y bautizakurnin. Tsëta rurarninmi markäkoq kanqantsikta y Jehovällapaqna kanqantsikta rikätsikuntsik.

• Diospa Gobiernumpita yachatsikurnin. Tsëta rurarninmi Jehovänölla noqantsikpis llapan nunakunata kuyanqantsikta rikätsikuntsik (Mt 22:39; Jn 3:16).

¿Ima mastaraq ruräman Jesus wanunqampita agradecikunäpaq?