DIOS MUNANQANNÖ KAWANAPAQ
Dios änikunqanta cumplimunqanyaq alli tsarakushun
Diospa Gobiernun mandakamunantaqa, ¿alläpa unënaku shuyarëkanki? Tsë Gobiernu chämunqanyaqqa, imëka mana allikunapa pasarpis allichi tsarakïkanki (Ro 8:25). Wakin cristiänu mayintsikkunaqa chikishqa, allqutsashqa y carcelashqam kayan, jina wakintaqa wanutsitapis munayashqam. Wakinkunanam mana kachakaq qeshyawan karnin y edäna karnin alläpa sufriyan.
¿Imatataq ruranantsik imëkapa pasarpis pacienciawan alli tsarakunapaq? Bibliatam cada junaq leyinantsik y leyinqantsikmanmi yarpachakunantsik. Y Dios änimanqantsikmanmi masqa pensanantsik (2Co 4:16-18; Heb 12:2). Jinamampis, santu espïritunwan yanapamänapaqmi Jehoväta mañakunantsik (Lü 11:10, 13; Heb 5:7). Kuyakoq Teytantsikqa, kushishqalla tsarakunapaqmi yanapamäshun (Col 1:11).
IMËKA MANA ALLIKUNAPA PASARPIS ALLIM TSARAKUNANTSIK: DIOS BENDICIMÄNAPAQ KAQMAN CONFIAKUSHUN NEQ VIDEUTA RIKÄRIR, KË TAPUKÏKUNATA CONTESTARIYË:
-
Mana pensanqantsik höra, ¿imaraq pasaramashwan? (Ec 9:11).
-
¿Imanötaq mañakïqa yanapamashwan mana allikunapa pasanqantsik höra?
-
Unënöna Jehoväta sirwita mana puëdirqa, ¿imanirtaq precisan rurëta puëdinqantsikkunallata ruranapaq kallpachakunantsik?
-
Dios änikunqanman pensë.
¿Imanirtaq següru këkanki Jehovä änikunqanta chaskinëkipaq?
