Itsa tiempuntsikta y kallpantsikta alläpa gastëkantsik rantipakïchö, imatapis utilicëchö, imatapis katsichö o kapamanqantsikkunata alläpa cuidëchö. Jesusqa kapunqanllawanmi kushishqa kawakurqan, tsëmi yachatsikïninchö imapis mana pantatsinampaq yanaparqan (Mt 8:20).

¿Y qamqa? ¿Kapushunqëkillawan kawakïta puëdinkimantsuraq maslla yachatsikunëkirëkur? Itsa familiëkichö pillapis precursor këta puëdinman tiemputa alli patsätsiyaptikiqa. Y llapan tiempïkiwan Jehoväta sirwïkaptikipis, itsa cuentata qokushqanki ichikllapa ichikllapa imëkakuna tiempïkita qochïkäshunqëkita. Kapushunqëkillawan Jehoväta sirwirninqa kushishqam sientikunki (1Ti 6:7-9).

Kapushunqëkillawan kawakunëkipaq, imata ruranëkipaq kaqta qellqari.