Bibliapita yachatsinqantsik nunakunata kuyarninqa imata pensayanqanta, imanö kayanqantam entiendishun y yanapëtam munashun. Tsënö yachatsikurninqa Jehovä nunakunata kuyanqannöllam noqantsikpis kuyakoq kanqantsikta rikätsikushun, y nunakunapis Jehoväpitam yachakuyta munayanqa (Flp 2:4).

Kuyakoq kanqantsikqa, wiyanqantsikchö, parlanqantsikchö y qaqllantsikchö o cärantsikchömi rikakunan. Jina tsëtaqa rikätsikuntsik pëkunapaq yarpachakunqantsikchö, imata creiyanqanta cuentaman churanqantsikchö y shumaq consejarninmi. Y manam obliganantsiktsu imatapis rurayänampaq. Nunakuna Diospita yachatsikunqantsikta chaskikuyaptinqa o wiyakuyaptinqa alläpam kushikuntsik.

DIOSTA SIRWIYÄNAMPAQ NUNAKUNATA YANAPARQA KUSHISHQA KASHUN, ALLI YACHATSIKOQ KARMI: BIBLIAPITA YACHAKUYKAQKUNATA KUYASHUN NEQ VIDEUTA RIKÄRIR, KË TAPUKUYKUNATA CONTESTË:

• Tardi Rösa chaptimpis, ¿imanötan Rïtaqa kuyakoq kanqanta rikätsikurqan?

• Pishipashqa y llakinashqa këkanqanta Rösa niptin, ¿imanötan Rïtaqa kuyakoq kanqanta rikätsikurqan?

• Imapaqpis tiempun mana kanqanta Rösa niptin, ¿imanötan Rïtaqa kuyakoq kanqanta rikätsikurqan?