“Bibliapita yachatsikunapaq” neqtaqa alli pensëkurmi rurayämushqa, y mëtsika wawqi panikunatam markankunachö Diospita yachatsikuyanqanchö yanapashqa. Peru manam llapan markakunachötsu igual-lla yachatsikuyta puëdintsik. Tsëmi, wawqi panikunaqa Diospita yachatsikurnin markankunachö nunakuna imata wiyëta munayanqanmannö yachatsikuyan. Peru Bibliapita mëtsëchö yachatsikunapaq nimanqantsikkunataqa cäsukunantsikmi. Diospa Gobiernupita alli noticiakunata musyatsikunapaqqa Jesus mandakunqantam cäsukunantsik (Mt 24:14).

Pullan semäna reunionchö demostracionta juk wawqi o juk pani rurarninqa, Reunionchö yachakunapaq neq höjachö “Bibliapita yachatsikunapaq” ninqannömi ruranan. Peru tsë höjachö Bibliapita imanö yachatsikunapaq nikaptimpis, markantsikchö imata musyëta munayanqanmannömi tapukuyta, textuta o watukaq kutinapaq tapukuyta cambiëta puëdintsik. Kë höjachö ninqanqa 2020 wata juniu killa Reunionchö yachakunapaq höjachö 8 kaq päginachö ninqantam cambiëkan.