Jehoväqa familiakuna kushishqa kayänantam munan (Sl 127:3-5; Ec 9:9; 11:9). Tsënö kaptimpis, höraqa alläpa yarpachakur o mana allita rurashqa karmi familiakunaqa kushishqanatsu kayan. ¿Imatataq cada ünu familiachö rurayanman llapankuna mas kushishqa kayänampaq?

Alli qowa o runaqa warmintam shumaq tratan (1Pë 3:7). Warminwanmi tiemputa pasan, manam imata ruranampaq alläpa exigintsu y pëpaq y wamrankunapaq ruranqantam agradecikun (Col 3:15). Kuyanqantam nin y ruranqankunapitam alabapan (Pr 31:28, 31).

Alli warmiqa qowantam o runantam imachöpis yanapanampaq kallpachakun (Pr 31:12). Nunanta respetarmi cäsukun y yanapan (Col 3:18). Shumaqmi parlapan y jukkunachöpis nunampaq allitam parlan (Pr 31:26).

Alli papäkunaqa wamrankunawanmi tiemputa pasayan (Dt 6:6, 7). Alläpa kuyayanqantam niyan (Mt 3:17). Y musyayanmi imë y imanö corregiyänampaq kaqtapis, tsëtaqa rurayan kuyëllapam (Ef 6:4).

Alli wamrakunaqa papäninkunatam cäsukuyan y respetayan (Pr 23:22). Willayanmi imata pensayanqanta y imanö sientikuyanqanta. Corregiyanqantam chaskikuyan y respetayan (Pr 19:20).

¿IMANÖTAN FAMILIAKUNA KUSHISHQA TÄKUYANMAN? NEQ VIDEUTA RIKÄRIR, KËTA CONTESTË

¿Imatataq familiachö cada ünu rurayarqan mas kushishqa kayänampaq?