Setiembri killachöqa llapan puëdinqantsikmannömi Diospa Gobiernunlla llapan problëmakunata altsamunampaq kaqta pï më nunata yachatsishun (Mt 24:14). ¿Imatataq rurankiman tsë killachö maslla Diospita yachatsikunëkipaq? Tsë killachö Diospa Gobiernumpita parlaq juk textuta pïmëta leyipunëkipaq kallpachakuy. Parlapanqëki nuna maslla yachakuyta munaptinqa, 2020 wata 2 kaq Täpakoq revistata qararï (nunakunata yachatsinapaq kaq revista). Tsë nunata ras o sas watukaq kutï y Kushishqa kawakushun neq follëtuwan Bibliapita yachatsir qallë. Tsë killachö, precursor auxiliarkunaqa 15 o 30 hörakunapam Diospita yachatsikuyta puëdiyanqa.

Ichikllanam pishin Diospa Gobiernun kë Patsachö llapan gobiernunkunata ushakätsimunampaq (Da 2:44; 1Co 15:24, 25). Jehoväta y Gobiernunllata yanapanqantsikta rikätsikunapaq, tsë killachö mas yachatsikunapaq kallpachakushun.