Imata ruranapaq kaqta manaraq decidirmi puntata kënö tapukunantsik: ¿imata ruranätaraq Jehoväqa munan? Jehovä pensanqantaqa manam llapanta musyëta puëdintsiktsu, tsënö kaptimpis Palabranchömi nimantsik “imëka alli” rurëkunata imanö ruranapaq kaqta (2Ti 3:16, 17; Ro 11:33, 34). Jesusqa allim musyarqan Jehoväpa munënin ima kanqanta y tsëtam mas precisaqpaq kawëninchö churarqan (Jn 4:34). Jesus ruranqannöllam, noqantsikpis ruranqantsikkunawan Jehoväta kushitsinapaq kallpachakunantsik (Jn 8:28, 29; Ef 5:15-17).

JEHOVÄPA MUNËNIN IMA KANQANTA CUENTATA QOKUR SÏGUISHUN (LE 19:18) NEQ VIDEUTA RIKÄRIR, KË TAPUKÏKUNATA CONTESTARIYË:

• ¿Imanirtaq Diospa Palabran ninqannö imatapis ruranantsik?

• Ima müsicata wiyanapaq kaqta manaraq akrarninqa, ¿Diospa Palabran ima ninqantataq cuentachö katsishwan?

• Imanö vistikunapaq o altsapäkunapaq kaqta manaraq decidirninqa, ¿Diospa Palabran ima ninqantataq cuentachö katsishwan?

• ¿Imakunachö mastaq Biblia ninqanta cuentachö katsishwan?

• ¿Imanötaq mas alli musyashun Jehoväpa munënin ima kanqanta?