¿Imanirtaq alläpa precisan kushikunapaq ruranqantsikkunata alli akranantsik? Porqui imatapis akranqantsikmanmi masqa pensantsik. Tsëmi pelïculata, müsicata, Internetchö päginata, libruta y maskunata alli akranantsik. Tsëqa alläpa precisan, porqui imatapis rikanqantsikmannö o ruranqantsikmannömi portakur qallëkushun. Kanan witsan kushikunapaq ruranqantsikkunaqa, masqa Jehovä chikinqankunam kayan (Sl 11:5; Gäl 5:19-21). Tsërëkurmi Bibliaqa nimantsik, llapan ruranqantsikkunawan Jehoväta alabanapaq (Flp 4:8).

¿IMA PUKLLËKUNATATAQ AKRASHWAN KUSHIKUNAPAQ? NEQ VIDEUTA RIKÄRIR, KË TAPUKÏKUNATA CONTESTARIYË:

• Römachö pelyaqkuna rurayanqanwanqa, ¿imachötaq kanan witsan kushikunapaq ruranqantsikkuna igualan?

• Kushikuyänampaq rurayanqankunata jövinkuna alli akrayänampaqqa, ¿imanötaq wawqikuna y panikuna yanapëta puëdiyan?

• ¿Imanötaq Romänus 12:9 textu kë asuntuchö yanapamantsik?

• Täranqantsik markachöqa, ¿imakunawantaq kushishqa këta puëdintsik Jehoväta mana piñatsishllapa?