2018 wata enëru killachömi, Cristiänunö Kawakunapaq y Yachatsikunapaq neq höjapa qallanan kaq päginachö “Imanö yachatsikunapaq” neqta churayämurqan. Kë yanapakuytaqa, ¿imanöraq utilizashwan?

Reunionkunachö: Alli yachatsikoq kanapaq kaqta rurarqa, “Imanö yachatsikunapaq” neqchö këkaq tapukuyta, Bibliachö leyinapaq kaqta y kutinapaq tapukuytam utilizänantsik. Tsënö kaptimpis manam videuchö llapan ninqantaraqtsu ninantsik. Tsëmi ima nishpa parlapar qallanapaq, piwan o mëchö parlanapaq o masllata parlakurinapaq kaqtaqa kikintsik akranantsik.

Diospita yachatsikurnin: Imanö yachatsikunapaq neqtaqa rurayämushqa, nunakunata Diospita parlapar qallanapaqmi. Peru masta yachakuyta munaptinqa watukaq kutinapaq neq kaqwampis yacharatsishwanmi. Noqantsikpitanam kanqa imanö yachatsikunapaq neqwan parlapëqa o jukkunapita parlapëpis. Tsëmi këkunaman pensanantsik, ¿juk kaq killakuna imanö yachatsikunapaq kaq o juk textukunata utilizanqatsuraq, yachatsikunqa sitiuchö mas wiyakïta munayänampaq yanapakunman? o ¿tsëllaraq imakuna pasanqanta nunakunata parlapanqätsuraq? Rikanqantsiknöpis imanö yachatsikunapaq neqqa yanapamantsikmi, peru kikintsikmi akranantsik imanö utilizänantsikpaq kaqtaqa y këtam yarpänantsik, alli willakïkunarëkurmi imëkatapis ruranantsik, tsënöpa wakinkunatapis Diospita yachatsinantsikpaq (1Co 9:22, 23).