Jehoväpa carpa wayinchö posadakïqa, amïgun kë, pëman markäkï, y pëllata wiyakï ninanmi. Salmu 15 rikätsikun, amïgunkuna imanö kayänanta Jehovä munanqanta.

• . . . honrädum kanan.

• . . . imëpis shonqupita patsë rasumpa kaqllata parlakoqmi kanan.

• . . . Jehoväpa wakin sirweqninkunatam respëtuwan tratanan.

• . . . änikunqanta cumpleqmi kanan sasa (aja) kaptimpis.

• . . . wanaq kaqkunatam yanapanan kutitsiyänanta mana shuyarashpa.

• . . . pitapis tumpanmantsu ni cuentuta puritsinmantsu.

• . . . nuna mayinta mana allipa tratanmantsu.

• . . . cristiänu mayinkunapita provechakunmantsu.

• . . . Jehoväta mana sirweq ni mana cäsoq kaqkunawan amïgu kanmantsu.

• . . . favorta rurananrëkur chaskipakunmantsu.