Llakikïnintam Jobqa willakun
Pasëpa ushapakashqa këkar, wanupakushqa këkar y qeshyëkarpis Jobqa manam Jehoväta jaqirqantsu. Tsënöta rikëkarpis Satanasqa masran Jehoväta jaqitsita tïrarqan. Tsëmanmi kima amïgun tukoqkuna chärir llakipaqnö karpis, qanchis junaqkunapa upällalla täkuyarqan y manam ni imanöpa shoqayarqantsu. Y tsëpitaqa llakitsinqan palabrakunatam niyarqan.
Alläpa sasa pruëbakunapa pasëkarpis Jobqa manam Jehoväta jaqirqantsu
-
Alläpa sufrirninmi Jobqa llutanta pensar qallëkurqan. Tantiyarinapaq, Jobqa pantarmi wiyakunqan o mana wiyakunqampis Diospaq mana precisanqanta pensarqan.
-
Alläpa yarpachakurninmi, cuentata qokurqantsu imarëkur tsënö sufrikanqanta.
-
Alläpa llakishqa këkarnimpis, amïgun tukoqkunataqa, llapan shonqunwan Jehoväta kuyanqantam Jobqa nirqan.