MAS ALLI YACHATSIKOQ KANAPAQ
Alli yachatsikoq kë: Revistawan imanö yachatsikunëkipaq kaqta qellqë
¿IMANIRTAQ PRECISAN? Reunionchö yachakunapaq höjachö imanö yachatsikunapaq neq yachatsikï yarqamunqanqa juk yanapakïllam. Itsa juknöpapis yachatsikurinkiman o territoryïkichö nunakuna yachakïta wanayanqanmannö. Këta rurë: puntataqa revistata leyi, kë höjapa punta kaq päginanchö “imanö yachatsikunapaq” kaqta y tsënö ruranapaq kaqta rikätsikoq vidëukunatapis rikäri. Tsëpitana kë yanapakïkunata cuentaman churarnin kikiki imanö yachatsikunëkipaq kaqta alistë.
¿IMANÖTAQ RURASHWAN?
¿Imanö yachatsikunapaq kaqpitaku akranki?
AWMI
-
Tsëqa imata ninëkipaq kaqta alistë. Nunata saludarir, imanir watukëkanqëkita willari. (Tantiyarinapaq: “Shamurqö porqui . . .”).
-
Tapurirnin, textuman imanö pasarinëkipaq kaqman pensë, jina textupita publicacionman imanö pasanëkimampis. (Tantiyarinapaq, textuta leyirapunëkipaqqa itsa kënö nirinkiman: “Rikë Biblia imata nimanqantsikta”).
MANAM
-
Tsëqa, revistapa mëqan yachatsikïnin mas gustanqanta y imapita yachakïta munarinampaq kaqta akrë.
-
Jina juk tapukïtapis alistë wiyashoqniki parlakaramunampaq, peru ama mana alli sientikatseq tapukïtaqa rurëtsu. (Tantiyarinapaq: revistakunapa 2 kaq päginanchö këkaq juk tapukïta akrë).
-
Juk textuta akrarir leyirapï.
-
Juk o ishkë yachatsikïkunata alistë nunata rikäratsinëkipaq revistata leyinqan imakunachö yanapanampaq kaqta.
IMA CÄSU KAPTIMPIS
-
Yapë watukarnin ima tapukïpita yachatsinëkipaq kaqta alistë.
-
Yapëchö imakunapita yachatsinëkipaq kaqta apuntë.
