¿Pikunataq Jehoväpa munëninta rurëkäyan? neq follëtuqa, rurakämushqa Bibliapita estudiëkaqkunata yachatsinapaqmi, tsëtaqa rurashwan cada Bibliapita yachakunqantsikta manaraq qallarnin o usharirninmi. * 1 a 4 kaq yachatsikïninkunaqa Jehoväpa testïgunkuna pikuna kanqantsiktam entienditsikun; 5 a 14 kaq yachatsikïninkunam rurënintsikkunapita parlan, y 15 a 28 kaq yachatsikïninkunanam churanakushqa këkanqantsikta rikätsikun. Tsëmi mas alliqa kanman qatinallaman yachakunqantsik; peru Bibliata estudiëkätsinqantsik mëqanllatapis puntata yachakïta munaptinqa, tsëtam yacharatsishwan. Yachatsikïninkuna juk päginalla kaptinmi, pitsqa o chunka minütulla yacharatsita puëdintsik.

• Yachatsikïpa qallananchö këkaq tapukïta rikäratsi.

• Llapanta kar o rakishqa yachatsikïninkunata leyiriyë.

• Leyiyanqëkipita parlakuriyë. Yachatsikïpa ushananchö këkaq tapukïkunata y fötukunata utilicë. Textukunata leyiyë y yachakuyë. Y yanachö këkaq yachatsikïkuna tapukïkunapa respuestan kanqanta rikäratsi.

• “Musyanëkipaq” neq recuadru yachatsikïchö kaptinqa, leyiri y tsëchö këkaq consëjukunata ruranampaq niri.