Jehovä Diosninkunata qonqëkuyanqanrëkur judïukuna ushakäyänampaq kaqta willakunampaqmi, Jeremïasta Jehovä mandarqan (Jer 13:25). ¿Imanötaq Diospa rikëninchö alläpa mana alliman chäyarqan? Israel nacionchö familiakunaqa Jehoväwan amïgu kayanqantam mana kaqpaq churayarqan. Teytakunaqa Deuteronomiu 6:5-7 textuchö Jehovä mandakunqantam wiyakïkäyarqantsu.

Kanan witsan congregacionkuna alli kayänampaqqa, Jehoväta sirwirnin kallpachakoq familiakunam yanapakuyan. Llapankuna juntu Diosta adorayänan hörata mana jaqipa rurarninmi, teytakunaqa Jehoväta mana qonqayänampaq familiankunata yanapëta puëdiyan (Sl 22:27). Kë mandamientukunaqa, shonqïkichömi kanan: familiakuna parlakuyanqan neq vidëuta rikärirnin, kë tapukïkunapita yachakuriyë:

• ¿Imanötaq wakin familiakuna Diosta adorayänampaq kallpachakuyashqa imëka rurëninkuna michëkaptimpis?

• ¿Ima bendicionkunatataq chaskiyashqa Familiachö Diosta Adorayänan Hörata imëpis rurayanqanrëkur?

• ¿Ima rurëkunataq michäman Jehoväta familiäwan adoranäpaq, y imataraq ruräman michämaq rurëkunata jaqinäpaq?