¿IMANIRTAQ PRECISAN? Cristiänu mayinkunata kallpata qonampaqmi Pabluqa 14 cartakunata escribirqan, jukqa primëra a los Corintiusmi karqan. Cartakunata escribiqa këkunachömi yanapakun: shumaq palabrakunata churanapaq y leyeq kaqqa kutin kutin leyinampaq. Cartakunaqa familiantsikkunata, mana reqinqantsikkunata y imëpis mana tarinqantsik nunakunata yachatsinapaqmi yanapakun. Këllaman pensarishun, yachakï munaq nunakuna jatusaq wayikunachö täräyaptin o qellëyoq nunakuna täräyanqan sitiukunachö kayaptinqa manam fäciltsu watukaq ëwëqa. Peru ¿imatataq cuentaman churanantsik mana reqinqantsik nunaman cartata escribir?

¿IMANÖTAQ RURASHWAN?

• Piwampis parlëkaqnö tsë cartata escribi. Puntataqa, shumaq saludari y cläru musyaratsi imanir tsë cartata escribinqëkita. Itsa juk precisaq tapukïta rurarinkiman o Internet päginantsikman yëkurinampaq nirinkiman. Tsëpitanam, Internetpa estudiu biblicuta qonqantsikpita parlapärinkiman (tsëqa manaraqmi quechuachö kanraqtsu) o wayinkunachöpis yachatsita puëdinqantsikta escribiri. Y estudiu biblicuta qonqantsik publicacionkunapa, mëqan tïtulunllatapis escribiri. Jina tsë cartawanmi jw.org tarjëtata, reunionpaq juk invitacionta o juk tratäduta apatsita puëdinki.

• Ama atskataqa escribitsu. Porqui sinöqa manam llapanta leyinqatsu (8 kaq päginachö këkaq cartata rikäri).

• Juk carta alli escribishqa kanampaq, fäcil leyinan kanapaq, shumaq palabrakunawan kanampaq y respëtuwan kanampaq kallpachakushun. Y tsë cartata apatsinqantsikpitaqa kikintsikmi pagakunantsik.