Yachakïkanqantsikta mas alli entiendinapaq y yarpänapaqmi rikanqantsikkunaqa yanapamantsik. Alläpa Alli Yachatsikoq Teytantsik Jehoväqa, precisaq yachatsikïkunata yachatsimänapaqmi rikanqantsikkunata utilizan (Ge 15:5; Jer 18:1-6). Jina Alli Yachatsikoq Jesuspis tsëkunataqa utilizarqanmi (Mt 18:2-6; 22:19-21). Kanan witsan yachatsikunapaqqa, mëtsika videukunam kapamantsik. ¿Utilicëkantsikku videukunata Bibliapita yachëkätsinqantsik nunakunata yachatsinapaq?

Diospa alli willakïninkuna follëtuwan yachatsikurnin alli entienditsikunapaqqa, chunka videukunam kapamantsik. Tsë videukunapa tïtulunkunaqa cäsi llapanmi follëtuntsikchö këkan, y yanachö këkaq tapukïmi kayan. Juk tapukïta contestarnin mëqan videuta utilizänapaq kaqta musyanapaqqa, yanarëkaq tapukïtam lapirinëki y tsëmi Internetchö këkaq videuman aparishunki. Jinamampis, Bibliapita yachatsinqantsik nunakunata yanapanapaqqa videukunam kapamantsik, y tsëkunaqa yachatsikunapaq publicacionnintsikkunachömi këkan.

Estudiëkätsinqëki nuna llapanta mana entiendiptin o mana allikunapa pasëkaptinqa, ¿imanöraq yanapëta puëdinkiman? Tsëpaqqa jw.org® päginachö o JW Broadcastingchö® këkaq videukunata ashiri. Itsapis juntu rikärir tsëpita yachakuriyankiman.

Cada killam mushoq videukunaqa yarqarëkämun. Y rikanqëki höram, wakinkunata yachatsinëkipaq imanö tsë videuta utilizänëkipaq kaqman pensanëki.