29:18-28

Casakurnin problëmachö kanantaqa Jacobqa manam musyarqantsu. Raquelwan Leam alläpa chikinakuyarqan (Ge 29:32; 30:1, 8). Tsë problëmakunata pasarpis, Jehovä Dios yanapaptinmi alli kawakuyarqan (Ge 30:29, 30, 43). Tsëpita tiempuwanqa Israel nacionmi pëpita miraq tsurinkuna tikrayarqan (Rut 4:11).

Casädukunaqa kanan tiempupis imëkatam pasayanqa (1Co 7:28). Tsënö karpis, Jehoväman markäkur o yärakur, y Biblia ninqanta cäsukurqa, shumaq y kushishqam imëpis kawakuyanqa (Pr 3:5, 6; Ef 5:33).