IMANIRTAN ALLI KANMAN. Wiskukunaqa mantsakuyanmi mana reqiyanqanwan parlëta. Tsëmi pëkunataqa Bibliapita shumaqlla parlapänantsik. Jehoväqa wiskukunapis pëta reqiyänantam munan (Le 19:14). Tsëmi pëta reqiyänampaq wiskukunata shumaq yachatsinantsik.

IMANÖTAN RURASHWAN

• Pëkunata ashi (Mt 10:11). ¿Pillatapis wisku familiayoqta reqinkiku? ¿Markëkichö kanku wiskukunapaq grabacionkunata o makiwan leyina kaqkunata munaq escuëlakuna?

• Yanapëta munanqëkita musyayätsun. Shumaq kuyakur yanapëta munaptikiqa kushikuyanqam. Pï më imapaq yarpachakuyanqampita parlapar qallë.

• Jehoväta reqiyänampaq yanapë. Mana rikaqkunata Bibliapita yachatsinapaqqa imëkatam rurayämushqa. Juk wiskuta tarirqa, mëqan kaqwan yachakuyta munanqanta tapuri. Wisku nunakuna akrayanqan kaqtam yachatsikunqantsikta rikaq wawqi mañakamunan.