Davidqa Jehovämanmi confiakurqan tsëmi Goliat-ta wanutsirqan (1Sa 17:45). Jehoväqa llapan shonqunwan sirweqkunataqa yanapanmi (2Cr 16:9). ¿Imatatan rurashwan Jehoväman mas confiakunapaq? Kimata o kimsallata rikärishun.

• Diosman imëpis mañakushun. Mana allikunata ruranqantsikta perdonamänallapaqtsu manam Diosmanqa mañakunantsik, sinöqa jutsata mana ruranapaqpis mañakunantsikmi (Mt 6:12, 13). Y imatapis manaraq decidirmi Jehovämanqa mañakunantsik y manam imatapis decidirir-raqtsu yanapamänapaq mañakunantsik (Snt 1:5).

• Bibliatam leyinantsik y estudianantsik. Cada junaqmi Bibliata leyinantsik (Sl 1:2). Bibliachö willakunqan nunakunapaq y warmikunapaq yachakunqantsikman pensashun, y pëkunapita imata yachakunqantsikta cada junaq ruranqantsikkunachö rikätsikushun (Snt 1:23-25). Diospita atska watapana yachatsikurpis cada yachatsikunapaqmi preparakunantsik. Y reunionkunachö yachatsikayämunqanta alli entiendinapaqqa puntallapitam alli preparakunantsik.

• Jehoväpa sirweqninkunata cäsukushun. Diospa sirweqninkunata dirigeqkuna niyämunqankunata ras cäsukushun (Nü 9:17). Tsënöllam anciänukuna patsätsiyämunqanta y consejamanqantsikkunata cäsukunantsik (Heb 13:17).

¡DIOSPITA YACHATSIKUSHQA GOBIERNUKUNA MICHÄMASHQAPIS AMA MANTSAKÄSHUNTSU! NEQ VIDEUTA RIKÄRIR, KË TAPUKUYKUNATA CONTESTË:

• Videuchö rikanqantsik wawqikunaqa, ¿imapatan pasayarqan?

• ¿Imatan yanaparqan alli tsarakuyänampaq?