Kanan tiempukunaqa masmi desgraciakuna pasakun. Desgraciakuna pasakuptin imanö yanapakunapaq kaqqa alli patsätsishqam kanan. Tsëmi Jehoväpa Testïgunkunata Pushaqkunaqa, desgraciakuna kaptin yanapakoqkuna kayänampaq entëru Patsachö këkaq betelkunachö patsätsiyänampaq mandakuyashqa.

Desgraciakuna kaptin yanapakoq wawqikunaqa juk desgracia pasakunqanta musyarirqa, wawqi panikunata imanö yanapayänampaqmi tsë desgracia pasakunqan markachö këkaq anciänukunata jinan höra qayayan. Fuerti desgracia pasakushqa kaptin wawqi panikuna imata rurëta mana puëdiyaptinqa, juk o ishkaq wawqikunatam sucursalta rikaqkuna churayanqa imanö yanapakuyänampaq kaqta. Kë wawqikunaqa capaz wawqi panikuna yanapakoq ëwayänampaq niyämunqa o imatapis necesitäyanqanta mañakayämunqa o capaz desgraciapa pasëkaq wawqi panikuna wanayanqanta rantiyanqa.

Desgraciakuna pasakuptin tsënö patsätsipakuyanqanqa imëkachömi yanapakun. Ima desgraciapis pasakuptin, wawqi panikuna kikinkunallapita yanapakuyaptinqa, mas trabäjum kanqa, desordenädum imatapis rurayanqa, qellëta y imatapis masmi perditsiyanqa.

Sucursalta rikaq wawqikuna churayanqan wawqikunam, ëka qellëta y ëkaq yanapakoqkunata necesitäyanqanta rikäyanqa. Puëdiyanmi desgraciakuna pasakunqanchö autoridäkunawampis parlëta, tsënöpam ras o sas yanapayanqa. Tsëmi wawqi panilläkuna rogayaq, kikikikunallapitaqa ama qellëta wawqi panikunata mañakuyankitsu, ni desgracia pasakunqan sitiuman imatapis apatsiyankitsu ni ëwayankitsu.

Wawqi panintsikkunataqa kuyantsikmi, tsëmi desgraciakuna pasakuptinqa yanapëta munantsik (Heb 13:16). Peru ¿imanötan yanapakushwan? Desgraciapa pasëkaqkunapaq, y tsëchö yanapakuykaq wawqi panintsikkunapaqmi mañakunantsik. Y entëru Patsachö yachatsikuyta yanapakunapaqmi qellënintsikta reunionman ëwar churëta puëdintsik. Cada nacionchö këkaq Betelchö wawqikunam Jehoväpa Testïgunkunata Pushaqkunawan juntu trabajayan, tsëmi pëkunaqa churanqantsik qellëta imachö y imanö mas alli utilicëta musyayan. Y desgraciakuna pasakunqanchö yanapakuyta munarqa, Solicitud de voluntario local de diseño y construcción (DC-50) neqtam llenanëki.

BRASILCHÖ ALLÄPA TAMYAR MARKAKUNATA TSAPAN NEQ VIDEUTA RIKÄRIR, KËTA CONTESTË:

Brasilchö desgracia pasakuptin, yanapakoq wawqi panikuna rurayanqampitaqa, ¿imatan mas gustashunki?