22-28 de abril
SALMUS 32, 33
103 kaq cancionta cantarirmi mañakushun | Imakunata yachakunapaq kaq (1 min.)
1. ¿Imanirtan alläpa jutsata ruraqkunaqa jutsankunata willakuyänan?
(10 min.)
Jutsata ruranqanta mana willakurmi, Davidqa alläpa llakikurqan. Capazchi tsënöqa sientikurqan, Bat-Sebawan oqllanakur jutsata ruranqampita (Sl 32:3, 4; w13 15/4 päg. 31 pärr. 16).
Jutsata ruranqantam Davidqa Jehoväta willarqan, y pëqa perdonarqanmi (Sl 32:5; w20.02 päg. 24 pärr. 17).
Jehovä perdonaptinmi Davidqa mas allina sientikurqan (Sl 32:1; rj päg. 11 pärrk. 3, 4).
Alläpa jutsata rurarqa humildim kanantsik y jutsantsiktam willakunantsik. Tsëpaqqa, jutsata ruranqantsiktam Jehoväta willanantsik y perdonamänapaqmi mañakunantsik. Tsëpitaqa anciänukunatam willanantsik. Pëkunaqa Jehoväwan amïgu karnin sïguinapaqmi yanapamäshun (Snt 5:14-16). Tsëkunata rurashqaqa Jehovämi perdonamäshun, y mas allinam sientikushun (Hch 3:19).
2. Imakunata yachakunqantsik
(10 min.)
Sl 33:6; nöta. Jehoväpa “jamanin” nirqa, ¿ima nitataq munëkan? (w06-S 15/5 päg. 20 pärr. 1).
Kë semäna Bibliata leyir, ¿yachakurqunkiku Jehovä imanö kanqanta, imanö yachatsikunëkipaq kaqta o imatapis masta?
3. Bibliata leyi
(4 min.) Sl 33:1-22 (th 11 kaq yachatsikï).
4. Humildi kë: ¿Imatataq Pablu rurarqan?
(7 min.) Wiyaqkunapis parlakarayämunqam. VIDEUTAM rikäshun, tsëpitanam Kuyakoq karmi neq follëtupa 4 kaq yachakunapaq kaqchö 1, 2 kaqta yachakushun.
5. Humildi kë: Pablu ruranqannö rurë
(8 min.) Kuyakoq karmi neq follëtupa 4 kaq yachakunapaq kaqchö 3-5 kaqta y “Kë textukunatapis leyi” neqpitam yachakushun, y wiyaqkunapis parlakarayämunqam.
74 kaq canciontam cantashun
6. Ruranantsikpaq pishinqankuna
(15 min.)
