Watukanqantsik nunakunata o Bibliapita yachatsinqantsik nunakunataqa allim entienditsinantsik. Rikäyanqankunawan o reqiyanqankunawan yachatsishqaqa masmi yachakuyanqa y manam yachakuyanqanta qonqayanqatsu.

Pitapis watukaq ëwarnin o pitapis Bibliapita yachatsirninqa rikäyanqankunawan o reqiyanqankunawan yachatsinapaqmi puntallapitana pensanantsik (Mt 5:14-16; Mr 2:21; Lü 14:7-11). Y watukanqantsik nunakuna o Bibliapita yachatsinqantsik nunakuna imata musyayanqanta y imakunapa pasëkäyanqantam musyanantsik (Lü 5:2-11; Jn 4:7-15). Tsë llapankunata cuentaman churarqa, shumaqmi pëkunata yachatsishun y yachakuyanqampita kushikoqta rikarmi noqantsikpis kushikushun.

DIOSTA SIRWIYÄNAMPAQ NUNAKUNATA YANAPARQA KUSHISHQA KASHUN, ALLI YACHATSIKOQ KARMI: NUNAKUNA REQIYANQANWAN Y RIKÄYANQANWAN YACHATSIKUSHUN NEQ VIDEUTA RIKÄRIR, KË TAPUKUYKUNATA CONTESTË:

• Bibliapita yachakuykaq nunakunaqa, ¿imanirtan Bibliata entienditsinata wanayan?

• ¿Imanötan Rïtaqa Romänus 5:12 entienditsikurqan?

• Bibliapita yachakuykaqkunata reqiyanqankunawan yachatsinqantsikqa, ¿imanötan yanapanman?

• ¿Imanirtan yachatsikunantsik Jehovä ruratsimunqan videukunawan y publicacionkunawan?