Gänas gänaslla Jehovä Diospita yachatsikushqaqa, kushishqam wiyakuyanqa yachatsinqantsik nunakunapis. Y tsënö gänas gänaslla yachatsikurninqa Jehovä Diospita yachatsikuy gustamanqantsiktam rikätsikushun. Llapantsikmi gänas gänaslla yachatsikuytaqa puëdintsik (Ro 12:11). ¿Imanötan gänas gänaslla yachatsikushwan?

Puntataqa yarpë Jehovä Diospita “alli willakïkunata” yachatsikunqëkiman (Ro 10:15). Tsëpitana yachatsinqëki nunakunata imanö yanapanqanman pensë. Kanan witsan nunakunaqa Jehovä Diospita mas yachatsinantsiktam wanayan (Ro 10:13, 14). Y gänas gänaslla yachatsikunapaqqa, llapan shonquntsikwanmi kushishqa yachatsikunantsik, y tsëqa qaqllantsikchömi rikakänan.

DIOSTA SIRWIYÄNAMPAQ NUNAKUNATA YANAPARQA KUSHISHQA KASHUN, ALLI YACHATSIKOQ KARMI: GÄNAS GÄNASLLA YACHATSIKUSHUN NEQ VIDEUTA RIKÄRIR, KE TAPUKUYKUNATA CONTESTË:

• ¿Imanirtan Rïtaqa qelanëkarqanna Rösata Bibliapita yachatsita?

• ¿Imatan Rïtata yanaparqan kushishqalla yachatsikunampaq?

• ¿Imanirtan yachatsinqantsik nunakuna alli rurayanqanllata rikänantsik?

• Bibliapita kushishqalla yachatsikunqantsikqa, ¿imanötan yachatsinqantsik nunakunata yanapanqa?