Jutsa ruraq karmi imëpis kallpachakunantsik mana allikunata mana ruranapaq. Peru mana kallpachakurqa Jehoväwan manam amïgu kashunnatsu. Wakinkunaqa wayiyoq këta, mikuyta o röpatam Diospitapis mas kuyayan. Wakinkunanam Jehovä mandakunqantapis mana cäsukur lluta melanëpaq oqllanakur y munëninkunata rurar kakuyan (Ro 1:26, 27). Y wakinnam mana allikunata rurayan wakinkunawan alli këta munarlla (Ex 23:2).

¿Imatatan rurashwan mana alli rurëkunata mana ruranapaq? Jehovä Diosta mas sirwinapaqmi kallpachakunantsik (Mt 4:4). Y Jehovätam mañakunantsik alli tsarakunapaq. Pëqa musyanmi noqantsikpaq ima mas alli kanqanta y imakuna kushitsimanqantsikta (Sl 145:16).

AMA VÏDËKITA MANA KAQPAQ CHURËTSU NEQ VIDEUTA RIKÄRIR, KË TAPUKUYKUNATA CONTESTË:

• ¿Imanirtan wakin nunakunaqa cigärruta fumayan?

• Cigärruta fumashqaqa, ¿imaraq pasamäshun?

• Cigärruta fumëqa, ¿imanirtan mana alli? (2Co 7:1).

• ¿Imaraq yanapashunki cigärru fumëta dejanëkipaq?