Ushakë junaq chämunqanmannömi mas wanutsinakuykuna, guërrakuna y imëka mana allikuna pasakunqa (Rev. 6:4). Këkuna manaraq pasakuptinqa, ¿imatatan rurashwan listu këkänapaq?

• Bibliata alli estudiashun. Jehoväman y markanman mas confiakunapaqmi Bibliachö leyinqantsikman pensanantsik, tsëmi yanapamäshun piman o imaman mana qaqänapaq (Pr 12:5; jr pägk. 125, 126 pärrk. 23, 24). Kanampitam wawqi panintsikkunawan mas amïgu kanapaq kallpachakunantsik (1Pe 4:7, 8).

• Llapan wananqantsikta alistashun. Wayintsikpita mana yarqunantsik kaptinqa mikuynintsik y maskunata alistashun. Wayintsikpita yarqurqa mëchö següru kanapaq kaqman pensashun. Mochïlantsikchö imakuna kanqanta alli rikäshun. Tsëman mascarillata, guantista, qellëta y maskunata churashun. Anciänukunapa nümerunta alërulla katsishun y nümeruntsiktapis pëkuna katsiyätsun (Is 32:2; g17.5-S pägk. 3-7).

Mana allikuna pasakuptin, ama Diospita yachatsikuyta, reunionkunata y Diosman mañakuyta dejashuntsu (Flp 1:10). Mana alläpa urgenti kaptinqa wayikipita ama yarqitsu (Mt 10:16). Kapamanqantsikta jukkunata qarashun (Ro 12:13).

DESGRACIAKUNA O MANA ALLIKUNA PASAPTINQA, ¿LISTUKU KËKANKI? NEQ VIDEUTA RIKÄRIR, KË TAPUKUYKUNATA CONTESTË:

• Desgraciakuna pasakunqan höra, ¿imanötan Jehovä yanapamantsik?

• ¿Imatatan rurashwan listu këkänapaq?

• Desgraciapa pasëkaqkunataqa, ¿imanötan yanapashwan?