¿Imatan audiuchö grabashqa Bibliaqa? Tsëqa Mushoq Patsachö Kawaqkunapaq Bibliata wiyanapaq grabayämunqanmi, y mëtsika idiömachömi ichikllapa ichikllapa grabëkäyämun. Bibliachö pï nuna parlanqanta musyanapaqmi atskaq wawqikunapa y panikunapa vozninta utilizäyan. Bibliachö llapan willakunqan cläru wiyakänampaqmi fuertipa y sentimientuwan leyiyan.

¿Audiuchö grabashqa Bibliata wiyanqantsikqa yanapakunku? Audiuchö grabashqa Bibliata wiyayanqanqa mëtsikaqtam gustan y kushishqam wiyakuyan. Bibliachö cada nunapa voznin kaptinmi tsëta wiyar mas alli entiendiyan, mëchö y imanö pasakunqanta mas musyayan (Pr 4:5). Wakinqa yarpachakuyanqan höra, audiuchö grabashqa Bibliata wiyayanqan yanapashqa kanqantam willakuyan (Sl 94:19).

Grabashqa Diospa Palabranta wiyanqëkiqa vïdëkichömi yanapashunki alli kawakunëkipaq (2Cr 34:19-21). ¿Audiuchö grabashqa Bibliaqa parlanqëki idiömachö kanku? ¿Imanirtan wiyanëkipaq churapakankitsu?

BIBLIACHÖ NINQANTA WIYAYÄNAMPAQ GRABAYANQAN (WAKIN KAQLLA) NEQ VIDEUTA RIKÄRIR, KËTA CONTESTË:

Bibliata audiuchö grabayämunqampitaqa, ¿imatan mas gustashunki?