Juk alli warmiqa qowampaq allita parlayänampaqmi shumaq yanapan. Rey Lemuelpa tiempunkunachöqa, juk ollqu alli warmiyoq kaptinqa markampa punkunkunachö alli reqishqam kaq (Pr 31:23). Kanan witsampis, anciänukuna y siervu ministerialkunapis alläpa respetashqa ollqukunam kayan. Y casädu kayaptinqa, warminkuna alli portakuyanqampita y tukïchö yanapayanqampitam respetashqa kayan (1Ti 3:4, 11). Kënö alli warmikunataqa qowankuna y congregacionchö kaqkunapis alläpam kuyayan.

• Shumaq palabrakunawanmi animan (Pr 31:26).

• Musyanmi congregacionchö imëkata rurar qowan ocupädu kanampaq kaqta (1Te 2:7, 8).

• Kapunqanllawanmi kawan (1Ti 6:8).

• Manam tapupantsu qowanlla musyanqan kaqkunataqa (1Ti 2:11, 12; 1Pë 4:15).