Ruben kasta, Gat kasta, y pullan Manases kasta nunakunam Jordan mayu kuchunchö juk jatun altarta rurayarqan (Jos 22:10).

Wakin kasta israelïtakunaqa Teyta Diospita rakikäkurishqa kayanqantam pensayarqan (Jos 22:12, 15, 16; w18.8 pägk. 5, 6 pärr. 10).

Ruben kasta, Gat kasta, y pullan Manases kasta nunakunaqa wakin kastakuna llutanta pensayaptimpis manam cölerakuyarqantsu, tsëmi yanapakurqan kikinkuna pura mana wanutsinakuyänampaq (Jos 22:21-30; w08-S 15/11 päg. 18 pärr. 5).

Kë pasakunqampitaqa imëkatam yachakuyta puëdintsik. Noqantsikpaq llutanta pensayaptinqa, ¿imatatan rurashwan? Y llapanta manaraq musyarninqa, ¿imanirtan imatapis ras parlashwantsu ni pensashwantsu? (Pr 15:1; 18:13).