2024 wata 30 de diciembripita 2025 wata 5 de enëruyaq
SALMUS 120-126
144 kaq cancionta cantarirmi mañakushun | Imakunata yachakunapaq kaq (1 min.)
Babiloniapita kutishqa israelïtakunam Jehovä bendicinqanta kushishqa cosechëkäyan.
1. Juk tiempupa waqarpis tsëpitaqa kushikuyarqanmi
(10 min.)
Jehoväta munanqannö adorayänampaq Babiloniapita libri yarqurmi israelïtakunaqa kushishqa këkäyarqan (Sl 126:1-3).
Judëaman kuteqkunaqa capazchi imëka rurëpaq kanqanta rikarnin waqayarqan (Sl 126:5; w04-S 1/6 päg. 16 pärr. 10).
Imëkata rurar sïguiyaptinmi Jehoväqa bendicirqan (Sl 126:6; w21.11 päg. 25 pärr. 17; w01-S 15/7 pägk. 18, 19 pärrk. 13, 14; rikäri jana qaranchö këkaq dibüjuta).
KËMAN PENSASHUN: Armagedon guërrachö mana alli nunakuna ushakäriyaptin Patsata altsarnin trabajanantsik kaptinqa, ¿imakunaparaq pasashun? ¿Ima bendicionkunataraq chaskishun?
2. Imakunata yachakunqantsik
(10 min.)
-
Sl 123:2. ¿Ima ninantan Jehoväman rikarëqa? (w18.07 pägk. 12 pärrk. 1-2).
-
Kë semäna Bibliata leyir, ¿imakunatataq yachakurqunki?
3. Bibliata leyi
(4 min.) Sl 124:1-126:6 (th 5 kaq yachatsikï).
4. Parlapar qallanëkipaq
(3 min.) NUNAKUNA KAYANQANCHÖ YACHATSIKUR. (lmd 3 kaq yachakunapaq kaqchö 5 kaq).
5. Watukaq kutinëkipaq
(4 min.) WAYIN WAYIN YACHATSIKUR. Puntata watukaptiki Bibliaman manaraq confiakoq nunata o warmita watukë (lmd 9 kaq yachakunapaq kaqchö 5 kaq).
6. Bibliapita yachatsinëkipaq
155 kaq canciontam cantashun
7. Diosnintsik änimanqantsikkunata kushishqa shuyäshun
(15 min.) Wiyaqkunapis parlakarayämunqam.
Babiloniachö këkaq israelïtakunata llapan äninqantam Jehoväqa cumplirqan. Tsëmi israelïtakunata salvarqan y jutsata rurayanqanta perdonarqan (Is 33:24). Markankunachö mana kayanqan tiempuqa leonkuna y chukaru animalkunam mirashqa karqan. Peru markankunata kutiyaptinqa Jehovämi pëkunata y animalninkunata cuidarqan (Is 65:25). Kikinkunapaqmi wayikunata rurayarqan y kikinkuna mikuyänampaqmi üvastapis plantayarqan (Is 65:21). Jehovämi trabajayanqanta bendicirqan y atska watapam kawayarqan (Is 65:22, 23).
Paqtsa: Maridav/stock.adobe.com; jirkakuna: AndreyArmyagov/stock.adobe.com
Yamë kawakunapaq Jehovä änimanqantsikqa kushikuypaqmi (wakin kaqlla) neq VIDEUTA rikärir, këkunata tapuy:
-
¿Imanötan kanan tiempuqa Jehovä änikunqankuna cumplikëkan?
-
¿Imanötan shamoq tiempuchöqa cumplikanqa?
-
¿Jehovä mëqan änikunqan cumplikänantataq shuyëkanki?
